Бүгін "Қостанай облысы әкімдігі білім басқармасының Жанкелдин ауданы білім бөлімінің Ыбырай Алтынсарин атындағы жалпы білім беретін мектебі" КММ-сінің 1984 жылғы түлектері (1967 жылы туған азаматтар) қазақ тілі мен әдебиеті кабинетін қайта жабдықтады. Мектеп түлектері кабинетке жаңа тақта орнатып, кабинеттің еденін, пердесін жаңартты. Кабинетке арналған екі шкаф, гүлдер қоятын подставкалар орнатып, қабырға сағатын іліп, қоқыс жәшігіне дейін жаңартты. Мұның сыртында мұғалімге арналған жұмсақ орындық, кабинетке жаңа компьютер табыстады. Өскелең ұрпаққа ұрпаққа өнегелі жол көрсетіп отырған мектеп түлектерінің еңбектеріне, абыройлы істеріне толымды табыстар тілейміз.